Ry Foko
Rédigé le Jeu 20 Juil, 2006 14:58:12 
Ry foko, mitonia
Mitonia raha sendra alon-drano
Ny otakotakao
Aoka mba ho sarin'ady
Ny rangotry ny anio
Hanolatra atsy ho atsy
Ka aza dia mitroatra
Banjino ny ho avy
Aza tomany raha nindaosin'onja
Ilay fanantenana, vao nitsiry dia tsy hita
Ny horohoronao, zario dobok'aponga
Hiandrasana ny ampitso, hitondra ny maraina
Ry foko, na dia tsy mora
Izany hoe manadino izany
Dia ao ny fotoana
Hamolavola tsy hanjokaiky
Ny vetsovetsonao
Hivadika ho hira
Hikalo ilay mpanjaka
Mpanjakan'ny Hazavana
BODO
1 - posté par trust le Jeu 20 Juil, 2006 15:17:50
izany hira zany ve tsy lehilahy no tsara mihira an'izany?
2 - posté par l-eyez le Jeu 20 Juil, 2006 15:20:52
Trust aaa!!!!!
3 - posté par flk le Jeu 20 Juil, 2006 18:19:56
lol tsala eee
4 - posté par hery le Mar 22 Juil, 2008 10:12:21
Milay koa io hira io. Hatramin'ny maraina aho mivetsovetso io hira io tampoka teo!
